ភាសាខ្មែរ
English
ឯឧត្តមទេសរដ្ឋមន្រ្តី អ៊ឹម ឈុនលឹម រដ្ឋមន្រ្តីក្រសួងរៀបចំដែនដី នគរូបនីយកម្មនិងសំណង់ បានអនុញ្ញាតឱ្យលោក Bretton G. Sciaroni សមាជិកសភាពាណិជ្ជកម្មអន្តរជាតិ និងជាទីប្រឹក្សាច្បាប់រាជរដ្ឋាភិបាល រួមជាមួយជាតំណាងក្រុមហ៊ុន Coca Cola ប្រចាំនៅកម្ពុជា ព្រមទាំងសហការីចូលជួបសម្ដែងការគួរសម

January 20, 2016
កាលពីថ្ងៃទី១៩ ខែមករា ឆ្នាំ២០១៦ ឯឧត្តមទេសរដ្ឋមន្រ្តី អ៊ឹម ឈុនលឹម រដ្ឋមន្រ្តីក្រសួងរៀបចំដែនដី នគរូបនីយកម្មនិងសំណង់ បានអនុញ្ញាតឱ្យលោក Bretton G. Sciaroni សមាជិកសភាពាណិជ្ជកម្មអន្តរជាតិ និងជាទីប្រឹក្សាច្បាប់រាជរដ្ឋាភិបាល រួមជាមួយជាតំណាងក្រុមហ៊ុន Coca Cola ប្រចាំនៅកម្ពុជា ព្រមទាំងសហការីចូលជួបសម្ដែងការគួរសម និងពិភាក្សាការងារ នៅទីស្ដីការក្រសួង។ ជាបឋម តំណាងក្រុមហ៊ុន Coca Cola ឱ្យដឹងថា លោកមានការសប្បាយរីករាយដែល ឯកឧត្តមទេសរដ្ឋមន្រ្តី បានចំណាយពេលវេលាដ៏មានតម្លៃអនុញ្ញាឱ្យលោកបានចូលជួបសំដែងការគូរសម និងពិភាក្សាការងារ។ លោកបន្តថា ដោយឃើញប្រទេសកម្ពុជាមានការអភិវឌ្ឍន៍ និងមានស្ថេរភាពនយោបាយ ហើយក្រុមហ៊ុន Coca Cola របស់លោកបានទទួលជោគជ័យខ្លាំងក្នុងការវិនិយោគនៅ កម្ពុជា ទន្ទឹមនឹងនោះ ក្រុមហ៊ុនរបស់លោកមិនអាចផលិតគ្រប់គ្រាន់ ដើម្បីឆ្លើយតបនឹងតម្រូវការរបស់អតិថិជនកាន់តែមានទំហំធំឡើង។ ដោយជឿជាក់លើគោលនយោបាយរបស់រាជរដ្ឋាភិបាលកម្ពុជា ក្រុមហ៊ុន Coca Cola បានសម្រេចចិត្តសាងសង់រោងចក្រថ្មីមួយបន្ថែមទៀត ដែលស្ថិតនៅតំបន់សេដ្ឋកិច្ចពិសេសភ្នំពេញ ក្នុងខណ្ឌពោធិ៍សែនជ័យ ដែលមានតម្លៃវិនិយោគជាង១០០លានដុល្លាសហរដ្ឋអាមេរិក លើផ្ទៃដីទំហំ ១២,៣ហិកតា ដែលចំនួននេះធំជាងទីតាំងចាស់១០ដង និងអាចស្រូបយកកម្លាំងពលកម្មចំនួនជាង ១.០០០នាក់។ ជាកិច្ចឆ្លើយតប ឯកឧត្តមទេសរដ្ឋមន្រ្តី អ៊ឹម ឈុនលឹម ក្នុងនាមក្រសួងរៀបចំដែនដី នគរូប នីយកម្ម និងសំណង់ បានថ្លែងអំណគុណ និងកោតសរសើរការវិនិយោគរបស់ក្រុមហ៊ុន Coca Cola ដែលជឿជាក់លើស្ថានភាពនយោបាយ និងសេដ្ឋកិច្ចរបស់កម្ពុជា ហើយបានសម្រេចចិត្តពង្រីកការវិនិយោគថ្មី បង្កើនខ្សែចង្វាក់ផលិតកម្ម ដែលនឹងរួមចំណែកដល់ការអភិវឌ្ឍសេដ្ឋកិច្ចរបស់កម្ពុជា ទន្ទឹមនោះ ឯកឧត្តមក៏នឹងរូមចំណែកក្នុងសមត្ថកិច្ចរបស់ក្រសួង ដើម្បីឱ្យគម្រោងថ្មីរបស់ក្រុមហ៊ុន Coca Cola សម្រេចបានជោគជ័យ៕
សារស្វាគមន៍

ឯកឧត្តម​ ជា​ សុផារ៉ា

ឧបនាយករដ្ឋមន្រ្តី រដ្ឋមន្ត្រី​ក្រសួង​រៀបចំ​ដែនដី នគរូប​នីយកម្ម និង​សំណង់

អានបន្ត
ទំនាស់ដីធ្លី
របាយការណ៍
ឯកសារវីឌីអូរ
» មើល​ទាំងអស់
ចំនួនអ្នកទស្សនា
ថ្ងៃនេះ :
002131
ម្សិលមិញ :
003826
សរុប :
6004515
ការអភិវឌ្ឍន៍វិស័យសំណង់លំនៅឋាននៅកម្ពុជា
ស្វែងយល់ពីអចលណទ្រព្យនៅកម្ពុជា
© រក្សាសិទ្ធិគ្រប់យ៉ាងដោយ ក្រសួងរៀបចំដែនដី នគរូបនីយកម្ម​ និងសំណង់ ឆ្នាំ ២០១៦
អាសយដ្ឋានៈ លេខ៧៧១-៧៧៣, មហាវិថីព្រះមុនីវង្ស, សង្កាត់បឹងត្របែក, ខណ្ឌចំការមន, រាជធានីភ្នំពេញ