ភាសាខ្មែរ
English
សាររំលែកទុក្ខរបស់ ឯកឧត្តមទេសរដ្ឋមន្រ្តី អ៊ឹម ឈុនលឹម រដ្ឋមន្រ្តីក្រសួងរៀបចំដែនដី នគរូបនីយកម្មនិងសំណង់ ជូនចំពោះ លោកជំទាវឧបនាយករដ្ឋមន្រ្តី ម៉ែន សំអន រដ្ឋមន្រ្តីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច ក្នុងការបាត់បង់ ឯកឧត្តម ប៉េង ប៉ាត់ សមាជិកព្រឹទ្ធសភា

March 03, 2016
សាររំលែកទុក្ខរបស់ ឯកឧត្តមទេសរដ្ឋមន្រ្តី អឹុម ឈុនលឹម រដ្ឋមន្រ្តីក្រសួងរៀបចំដែនដី នគរូបនីយកម្មនិងសំណង់ ជូនចំពោះ លោកជំទាវឧបនាយករដ្ឋមន្រ្តី ម៉ែន សំអន រដ្ឋមន្រ្តីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច ក្នុងការបាត់បង់ ឯកឧត្តម ប៉េង ប៉ាត់ សមាជិកព្រឹទ្ធសភា ។ តាងនាមថ្នាក់ដឹកនាំគ្រប់ជាន់ថ្នាក់ និងមន្រ្តីរាជការទាំងអស់នៃក្រសួងរៀបចំដែនដី នគរូបនីយកម្មនិងសំណង់ និងតាងនាមខ្ញុំផ្ទាល់ ខ្ញុំសូមចូលរួមរំលែកទុក្ខយ៉ាងក្រៀមក្រំបំផុតជាមួយលោកជំទាវ ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច និងបុត្រា បុត្រី ចៅប្រុស ចៅស្រី ព្រមទាំងញាតិសន្តាននៃសព ឯកឧត្តម ប៉េង ប៉ាត់ សមាជិកព្រឹទ្ធសភា ដែលបានទទួលមរណភាពក្នុងជន្មាយុ ៦៦ឆ្នាំ ដោយរោគាពាធ ។ មរណភាពរបស់ឯកឧត្តម គឺជាការបាត់បង់ឥស្សរជនមួយរូបដ៏ឆ្នើមរបស់គណបក្សប្រជាជនកម្ពុជា និងរបស់ស្ថាប័នព្រឹទ្ធសភា ដែលកន្លងមក ឯកឧត្តមបានបូជាកម្លាំងកាយចិត្ត តស៊ូរំដោះប្រទេសជាតិឱ្យចេញផុតពីរបបប្រល័យពូជសាសន៍ ប៉ុល ពត ព្រមទាំងបានរួមចំណែកជួយកសាងសមិទ្ធផលសង្គមនានា ជួយលើកស្ទួយជីវភាពប្រជាជន នៅតាមមូលដ្ឋាន និងបានបន្សល់ទុកស្នាដៃជាច្រើនចំពោះមាតុភូមិ។ ក្រៅពីនេះ ឯកឧត្តម ក៏ជាស្វាមី បីតា ជីតា ដ៏ឧត្តុង្គឧត្តមដែលប្រកបដោយព្រហ្មវិហារធម៌ផងដែរ ។ យើងខ្ញុំទាំងអស់គ្នា សូមចូលរួមរំលែកទុក្ខជាមួយលោកជំទាវ និងបុត្រា បុត្រី ព្រមទាំងចៅៗ ក្នុងការបាត់បង់សហការីដ៏ឧត្តុង្គឧត្តមនេះ និងសូមចារឹកទុក្ខក្នុងក្រអៅបេះដូង និងចងចាំជានិច្ចនូវរាល់គុណបំណាច់ដ៏ខ្ពង់ខ្ពស់របស់ឯកឧត្តម ។ សូមឧទ្ទិសបួងសួងឱ្យវិញ្ញាណក្ខន្ធរបស់ ឯកឧត្តម ប៉េង បាត់ បានទៅកាន់សុខគតិភព កុំបីឃ្លៀងឃ្លាតឡើយ ។








សារស្វាគមន៍

ឯកឧត្តម​ ជា​ សុផារ៉ា

ឧបនាយករដ្ឋមន្រ្តី រដ្ឋមន្ត្រី​ក្រសួង​រៀបចំ​ដែនដី នគរូប​នីយកម្ម និង​សំណង់

អានបន្ត
អាជ្ញាប័ណ្ណវិស័យសំណង់
ទំនាស់ដីធ្លី
របាយការណ៍
ឯកសារវីឌីអូរ
» មើល​ទាំងអស់
ចំនួនអ្នកទស្សនា
ថ្ងៃនេះ :
001616
ម្សិលមិញ :
004305
សរុប :
8516615
ការអភិវឌ្ឍន៍វិស័យសំណង់លំនៅឋាននៅកម្ពុជា
ស្វែងយល់ពីអចលណទ្រព្យនៅកម្ពុជា
© រក្សាសិទ្ធិគ្រប់យ៉ាងដោយ ក្រសួងរៀបចំដែនដី នគរូបនីយកម្ម​ និងសំណង់ ឆ្នាំ ២០១៦
អាសយដ្ឋានៈ លេខ៧៧១-៧៧៣, មហាវិថីព្រះមុនីវង្ស, សង្កាត់បឹងត្របែក, ខណ្ឌចំការមន, រាជធានីភ្នំពេញ