ឯកឧត្តម ជា សុផារ៉ា ទេសរដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ អនុញ្ញាតឲ្យ លោកស្រី Victoria Kwakwa អនុប្រធានធនាគារពិភពលោកទទួលបន្ទុកតំបន់អាស៊ីខាងកើត និងប៉ាស៊ីហ្វិក ចូលជួបសំដែងការគួរសម និងពិភាក្សាការងារ

July 06, 2016

ព្រឹកថ្ងៃពុធ ពីរកើត ខែអាសាឍ ឆ្នាំវក ព.ស.ពីរពាន់ប្រាំរយហុកសិប ត្រូវនឹងថ្ងៃទីប្រាំមួយ ខែកក្កដា គ.ស. ពីរពាន់ដប់ប្រាំមួយ វេលាម៉ោងប្រាំបួន ឯកឧត្តម ជា សុផារ៉ា ទេសរដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានអនុញ្ញាតឲ្យ លោកស្រី Victoria Kwakwa អនុប្រធានធនាគារពិភពលោកទទួលបន្ទុកតំបន់អាស៊ីខាងកើត និងប៉ាស៊ីហ្វិក ចូលជួបសំដែងការគួរសម និងពិភាក្សាការងារ ។ នៅក្នុងជំនួបនេះ ឯកឧត្តមទេសរដ្ឋមន្ត្រី ជា សុផារ៉ា បានសម្តែងនូវសេចក្តីសោមនស្សរីករាយទទួលស្វាគមន៍ លោកស្រី Victoria Kwakwa និងក្រុមការងាររបស់ធនាគារពិភពលោក ដែលតែងតែមានសណ្តានចិត្ត និងកិច្ចសហប្រតិបត្តិការល្អជាមួយរាជរដ្ឋាភិបាលកម្ពុជាក្នុងកិច្ចការអភិវឌ្ឍន៍ ពិសេសនៅក្នុងជំនួបជាមួយសម្តេចអគ្គមហាសេនាបតីតេជោនាយករដ្ឋមន្ត្រី កាលពីថ្ងៃទី ០៥ ខែកក្កដា ឆ្នាំ ២០១៦ ដែលបានបង្ហាញអំពីកិច្ចសហប្រតិបត្តិការ និងការគោរពគ្នាទៅវិញតាមរយៈការប្តេជ្ញាចិត្តនឹងអង្គុយពិភាក្សាគ្នាដើម្បីស្វែងរកដំណោះស្រាយឈានទៅអនុវត្តគម្រោងនៅក្នុងព្រះរាជាណាចក្រកម្ពុជាដោយជោគជ័យ ។ ឯកឧត្តមទេសរដ្ឋមន្ត្រី ក៏បានបន្្តថាក្រុមការងារជំនាញរបស់ក្រសួងរៀបចំដែនដី នគរូបនីយកម្ម និងសំណង់ កំពុងត្រៀមសហការជាមួយក្រុមការងាររបស់ធនាគារពិភពលោកដើម្បីអនុវត្តគម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋកិច្ចជំហាន ២ (LASED II) ដើម្បីឈានទៅទទួលបានលទ្ធផលល្អដែលផ្តល់នូវគុណប្រយោជន៍ខ្ពស់សម្រាប់ប្រជាពលរដ្ឋ និងទាន់ពេលវេលាកំណត់ ។ ជាការឆ្លើយតប លោកស្រី Victoria Kwakwa បានសម្តែងនូវមនោសញ្ចេតនាដ៏ជ្រាលជ្រៅថ្លែងអំណរគុណ ឯកឧត្តមទេសរដ្ឋមន្ត្រី ជា សុផារ៉ា ដែលតែងតែផ្តល់នូវកិច្ចសហប្រតិបត្តិការយ៉ាងជិតស្និទជាមួយក្រុមការងាររបស់ធនាគារពិភពលោក ពិសេសតែងតែមានទស្សនវិស័យល្អក្នុងការអនុវត្តគម្រោងដែលគាំទ្រដោយធនាគារពិភពលោក ដែលអាចផ្តល់នូវអត្ថប្រយោជន៍យ៉ាងច្រើនប្រៀបធៀបជាមួយកញ្ចប់ថវិកា ។ ក្នុងន័យនេះ លោកស្រីជឿជាក់ថា គម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋកិច្ចជំហាន ២ (LASED II) នេះក៏នឹងទទួលបានជោគជ័យផងដែរក្រោមការតាមដានដោយឈរលើស្មារតីទទួលខុសត្រូវក្នុងដោះស្រាយបញ្ហាប្រឈម របស់ ឯកឧត្តមទេសរដ្ឋមន្ត្រី ។ ជាមួយគ្នានេះ ធនាគារពិភពលោក ស្នើឲ្យក្រសួងរៀបចំដែនដី នគរូបនីយកម្ម និងសំណង់ សហការក្នុងការចែករំលែកបទពិសោធន៍ដើម្បីលើកចំណុចអាទិភាព និងយុទ្ធសាស្ត្រក្នុងការអភិវឌ្ឍ ដែលជាគន្លឹះក្នុងការកសាងឯកសារក្របខណ្ឌទំនាក់ទំនងកិច្ចសហប្រតិបត្តិការពេញលេញជាមួយព្រះរាជាណាចក្រកម្ពុជា (Full Country Partnership Framework) ។
ជាមួយគ្នានេះ ឯកឧត្តមទេសរដ្ឋមន្ត្រី ក៏បានជម្រាបនូវបទពិសោធន៍ជោគជ័យមួយចំនួនដែលបានធ្វើកិច្ចសហប្រតិបត្តិការជាមួយដៃគូអភិវឌ្ឍន៍ផ្សេងៗទៀត ដើម្បីជាទុន និងត្រៀមរៀបចំក្រុមការងាររបស់ក្រសួងរៀបចំដែនដី នគរូបនីយកម្ម និងសំណង់ ដើម្បីផ្តល់នូវកិច្ចសហប្រតិបត្តិការពេញលេញជាមួយក្រុមការងាររបស់ធនាគារពិភពលោក ។
ចុងបញ្ចប់ ឯកឧត្តមទេសរដ្ឋមន្ត្រី បានជូនពរលោកស្រី Victoria Kwakwa លោក Alassane Sow និងក្រុមការងារទាំងអស់ទទួលបានជោគជ័យក្នុងបេសកកម្មក្នុងព្រះរាជាណាចក្រកម្ពុជា នឹងសង្ឃឹមជឿជាក់ថាកិច្ចសហប្រតិបត្តិការនេះនឹងផ្តល់នូវសក្តានុពលខ្ពស់សម្រាប់ប្រជាពលរដ្ឋកម្ពុជា ។

កិច្ចប្រជុំបានបញ្ចប់នៅវេលាម៉ោង ១១ នៅថ្ងៃខែឆ្នាំដដែល ក្រោមបរិយាកាសរីករាយ និងទទួលខុសត្រូវខ្ពស់ ៕

សារស្វាគមន៍

ឯកឧត្តម ជា សុផារ៉ា

ឧបនាយករដ្ឋមន្រ្តី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់

អានបន្ត

អាជ្ញាប័ណ្ណវិស័យសំណង់

អាជ្ញាបណ្ណចុះបញ្ជីឆ្នាំ ២០១៨

ទំនាស់ដីធ្លី

ឯកសារទាក់ទងនិងបញ្ហាទំនាស់ដីធ្លី

របាយការណ៍

របាយការណ៍ឆ្នាំ២០១៥និងទិសដៅការងារឆ្នា...

ឯកសារវីឌីអូរ

» មើលទាំងអស់

ចំនួនអ្នកទស្សនា

ថ្ងៃនេះ :

001429

ម្សិលមិញ :

005120

សរុប :

7104375

ការអភិវឌ្ឍន៍វិស័យសំណង់លំនៅឋាននៅកម្ពុជា

ស្វែងយល់ពីអចលណទ្រព្យនៅកម្ពុជា

© រក្សាសិទ្ធិគ្រប់យ៉ាងដោយ ក្រសួងរៀបចំដែនដី នគរូបនីយកម្ម និងសំណង់ ឆ្នាំ ២០១៦
អាសយដ្ឋានៈ លេខ៧៧១-៧៧៣, មហាវិថីព្រះមុនីវង្ស, សង្កាត់បឹងត្របែក, ខណ្ឌចំការមន, រាជធានីភ្នំពេញ

ឯកឧត្តម​ ជា​ សុផារ៉ា

ឯកឧត្តម ជា សុផារ៉ា