March 25, 2017
នៅថ្ងៃ​សុក្រ ១២រោច ខែ​ផល្គុន ឆ្នាំវក ព.ស.២៥៦០ ត្រូវនឹង​ថ្ងៃទី ២៤ ខែ​មីនា គ.ស.២០១៧ ឯកឧត្តម ជា សុផារ៉ា ទេសរដ្ឋមន្រ្តី រដ្ឋមន្រ្តី​ក្រសួង​រៀបចំ​ដែនដី នគរូបនីយកម្ម និងសំណង់ បាន​អញ្ជើញ​ជាអធិបតី​ក្នុង​ពិធី​ប្រគល់​ពាន​រង្វាន់​អចលទ្រព្​យកម្ពុជា ឆ្នាំ ២០១៧ ។

ក្នុងឱកាស​នោះ ឯកឧត្តម​ទេសរដ្ឋមន្រ្តី បាន​សម្ដែង​នូវ​ការ​អបអរ​សាទរ​ជាមួយ​នឹង​ការ​វាយ​តម្លៃ​ខ្ពស់ ចំពោះ​ក្រុមហ៊ុន PropertyGuru Group និង​ទស្សនាវដ្តី Property Report ក្រោម​កិច្ចសហការ​ជាមួយ Eurocham ដែល​បានសម្រប​សម្រួល​រៀបចំការប្រកួត​ប្រជែង ដើម្បី​ដណ្តើមពានរង្វាន់ ក្នុង​វិស័យ​ឧស្សាហកម្ម​អចលន​ទ្រព្យ​នៅ​កម្ពុជា។ ឯកឧត្តម​ទេសរដ្ឋមន្រ្តី ជឿជាក់​ថា ជ័យលាភី​ដែល​ទទួល​បាន​ពាន​រង្វាន់ពេល​នេះ មិនត្រឹម​តែជាគំរូល្អ​ផ្នែក​សមត្ថភាព​ជំនាញ​ខ្ពស់​លើ​ការ​អភិវឌ្ឍ​ស្ថាបត្យកម្ម និង​វិស្វកម្ម ប៉ុណ្ណោះ​ទេ ថែមទាំង​ជា​ក្រុមហ៊ុន​ដែល​បាន​ប្រកាន់​ខ្ជាប់​នូវស្មារតី​ទទួល​ខុសត្រូវ​ក្នុង​ការ​សាងសង់​​ថែម​ទៀតផង​។

ទន្ទឹមនេះ ឯកឧត្តម​ទេសរដ្ឋមន្រ្តី ក៏​បាន​អំពាវ​នាវ​ដល់​អ្នក​អភិវឌ្ឍ​អចលនទ្រព្យ ម្ចាស់​សំណង់ អ្នក​សិក្សា​គម្រោង​ប្លង់ ក៏​ដូចជា​អ្នក​គ្រប់គ្រង​ការដ្ឋាន​សាងសង់​ទាំងអស់ សូម​យក​ចិត្ត​ទុកដាក់ខ្ពស់នូវការរក្សាព្រលឹង​វប្បធម៌​ជាតិខ្មែរ នៅ​ក្នុង​ស្នាដៃស្ថាបត្យកម្ម​របស់​ខ្លួន អនុវត្ត​ឱ្យបាន​ត្រឹមត្រូវ​នូវ​បទប្បញ្ញត្តិ​នគរូប​នីយកម្ម សំណង់ បរិស្ថាន ការអភិវឌ្ឍ​បៃតង និង​ចូលរួម​ទទួល​ខុសត្រូវ​លើ​កិច្ចការ​សង្គម ជា​ពិសេស​ការចូលរួម​អភិវឌ្ឍលំនៅឋាន សម្រាប់​អ្នក​មាន​ប្រាក់​ចំណូល​ទាប៕














សារស្វាគមន៍

ឯកឧត្តម​ ជា​ សុផារ៉ា

ឧបនាយករដ្ឋមន្រ្តី រដ្ឋមន្ត្រី​ក្រសួង​រៀបចំ​ដែនដី នគរូប​នីយកម្ម និង​សំណង់

អាជ្ញាប័ណ្ណវិស័យសំណង់
ឯកសារវីឌីអូរ
ចំនួនអ្នកទស្សនា
ថ្ងៃនេះ :
000355
ម្សិលមិញ :
002703
សរុប :
8359080
ការអភិវឌ្ឍន៍វិស័យសំណង់លំនៅឋាននៅកម្ពុជា
ស្វែងយល់ពីអចលណទ្រព្យនៅកម្ពុជា