បន្ទាប់ពីបានស្ដាប់របាយការណ៍ស្ដីពីសកម្មភាពការងារហ្វិកហ្វឺនរបស់នាយទាហានសកម្ម រួចមក ឯកឧត្តមទេសរដ្ឋមន្រ្តី ជា សុផារ៉ា បានបង្ហាញពីមោទនភាពចំពោះយោធាចារ្យទាំងអស់នៅក្នុងសាលានាយទាហានសកម្ម ដែលបានបណ្ដុះបណ្ដាលធនធានមនុស្ស នាយទាហានសកម្ម ប្រកបដោយគុណភាព មានចំណេះដឹង ចំណេះធ្វើគ្រប់ទម្រង់ ដែលអាចបម្រើសេចក្ដីត្រូវការរបស់សង្គមជាតិ ស្របទៅនឹងរបត់នៃសង្គមប្រជាធិបតេយ្យ សេរីពហុបក្ស។ តាមរបាយការណ៍ ឯកឧត្តមទេសរដ្ឋមន្រ្តី សង្កេតឃើញថា អត្រាបោះបង់ចោលជួររបស់នាយទាហានសកម្ម គឺស្ទើតែគ្មានសោះ ដែលនេះបង្ហាញឱ្យឃើញពីការគ្រប់គ្រងល្អប្រសើរ និងឆន្ទៈសម្រាប់ជាសរសរទ្រូងនៃកិច្ចការពារជាតិ។ ឯកឧត្តមទេសរដ្ឋមន្រ្តី បានបញ្ជាក់ថា នៅក្នុងបឋកថានាពេលនេះ មាន ២ផ្នែក គឺការបង្ហាញពីសមិទ្ធិផលលើគ្រប់វិស័យរបស់រាជរដ្ឋាភិបាល ដែលសម្រេចបាននាពេលកន្លងមក និងទិសដៅយុទ្ធសាស្រ្តនាពេលអនាគត ត្រូវបន្តអនុវត្ត ដែលនាយទាហានសកម្មទាំងអស់ត្រូវតែយល់ និងជ្រួតជ្រាបពីបញ្ហានេះ ពីព្រោះទាំងអស់គ្នា គឺជាអ្នករួមចំណែកក្នុងការសម្រេចបាននូវសមិទ្ធិផលទាំងនេះ តាមរយៈការចូលរួមអនុវត្តតាមគោលនយោបាយ និងយុទ្ធសាស្រ្តចតុកោណរបស់រាជរដ្ឋាភិបាល ព្រមទាំងការបង្ហាញអំពីការងារដោះស្រាយវិវាទដីធ្លីរបស់ក្រសួងរៀបចំដែនដី នគរូបនីយកម្ម និងសំណង់ ផងដែរ។ ឯកឧត្តមទេសរដ្ឋមន្រ្តី បានលើកឡើងថា រាជរដ្ឋាភិបាលកម្ពុជា បានដាក់ចេញនូវគោលនយោបាយយុទ្ធសាស្រ្តចតុកោណដំណាក់កាលទី៣ ដែលជាត្រីវិស័យសម្រាប់ឱ្យមន្រ្តីរាជការក្រោមឱវាទក្រសួងបំពេញភារកិច្ចវាស់វែងដីធ្លី និងសម្របសម្រួលនៅក្នុងយុទ្ធសាស្រ្តគ្រប់បែបយ៉ាងសំដៅឱ្យកិច្ចការនេះ បានដំណើរការទៅមុខប្រកបដោយជោគជ័យ។ ទិសដៅសំខាន់របស់រាជរដ្ឋាភិបាល ក្រៅពីគោលនយោបាយរៀបចំដីធ្លី និងការអភិវឌ្ឍជាតិនោះ គឺធ្វើយ៉ាងណាឱ្យប្រទេសជាតិស្ថិតក្នុងស្ថេរភាពនយោបាយរឹងមាំ មានសន្តិភាព និងជៀសឱ្យឆ្ងាយពីសង្គ្រាមដូចកាលពីអតីតកាល។ ឯកឧត្តមទេសរដ្ឋមន្រ្តី បានបន្ថែមថា បច្ចុប្បន្ន ក្រសួងរៀបចំដែនដី នគរូបនីយកម្ម និងសំណង់ កំពុងតែជំរុញការងារចុះបញ្ជីដីធ្លីឱ្យបានសកម្ម និងបានរួចរាល់ឆាប់រហ័ស ដើម្បីផ្ដល់ប័ណ្ណកម្មសិទ្ធិស្របច្បាប់ជូនប្រជាពលរដ្ឋ ក្នុងការកាន់កាប់ដីធ្លី ដើម្បីបានជាទុនក្នុងការប្រើប្រាស់យកប្រយោជន៍ បង្កើនជីវភាពគ្រួសារ និងរួមគ្នាដោះស្រាយវិវាទដីធ្លី ពីព្រោះប្រជាពលរដ្ឋគ្រប់រូបត្រូវការយុត្តិធម៌ក្នុងការកាន់កាប់ដីធ្លី ហើយក្រសួងនឹងខិតខំធ្វើការរៀបចំប្លង់គោលនៅតាមទីក្រុង និងទីប្រជុំជន ដើម្បីឱ្យមានការវិវត្តន៍ប្រកបដោយចីរភាព និងវឌ្ឍនភាពសម្រាប់គាំទ្រ និងទទួលយកនូវអ្នកវិនិយោគ ដែលមានបំណងចង់បណ្ដាក់ទុនវិនិយោគ ដោយផ្អែកទៅលើប្លង់គោល ហើយនាពេលឆាប់ៗខាងមុខនេះ ក្រសួងនឹងមានគម្រោងសាងសង់លំនៅឋានមានតម្លៃសមរម្យ បន្ថែមទៀតសម្រាប់អ្នកដែលមានចំណូលទាប អាចមានលទ្ធភាពទិញលំនៅឋានសម្រាប់រស់នៅបាន ដោយមានការបង់រំលោះក្នុងតម្លៃទាបផងដែរ ។ បច្ចុប្បន្នក្រសួងបានចុះបញ្ជីផ្ដល់ប័ណ្ណកម្មសិទ្ធិដីធ្លីជូនប្រជាពលរដ្ឋបាន ៤លាន ៥សែនក្បាលដី ស្នើនឹង ៦៤% នៃផ្ទៃដីទូទាំងប្រទេស ដែលមាន ៧លានក្បាលដី ។
ក្នុងឱកាសនោះនោះដែរ ឯកឧត្តមទេសរដ្ឋមន្រ្តី បានប្រគល់ថវិកាជូននាយទាហាន យោធាចារ្យ ៦៣នាក់ ក្នុងម្នាក់ៗទទួលបានថវិកា ១០០.០០០រៀល និងសិស្សនាយទាហានសកម្ម ៤៨០នាក់ ក្នុងម្នាក់ៗទទួលបានថវិកា ៤០.០០០រៀល និងបានឧបត្ថម្ភភេសជ្ជៈ និងថវិកា ៥.០០០ដុល្លាសហរដ្ឋអាមេរិក ដល់សាលានាយទាហានសកម្មទុកសម្រាប់រៀបចំកម្មវិធីជួបជុំអបអរសាទរឆ្នាំថ្មី ផងដែរ ៕
សារស្វាគមន៍
ឯកឧត្តម ជា សុផារ៉ា
ឧបនាយករដ្ឋមន្រ្តី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់
អាជ្ញាប័ណ្ណវិស័យសំណង់
ទំនាស់ដីធ្លី
របាយការណ៍
ចំនួនអ្នកទស្សនា
ថ្ងៃនេះ :
012699
ម្សិលមិញ :
006621
សរុប :
6777785
ការអភិវឌ្ឍន៍វិស័យសំណង់លំនៅឋាននៅកម្ពុជា
ស្វែងយល់ពីអចលណទ្រព្យនៅកម្ពុជា