អ៊ីមែល : mlmupc.caninet@gmail.com
January 25, 2023
នាព្រឹកថ្ងៃពុធ ៤កើត ខែមាឃ ឆ្នាំខាល ចត្វាស័ក ព.ស ២៥៦៦ ត្រូវនឹង​ថ្ងៃទី២៥ ខែមករា ឆ្នាំ២០២៣ នៅសួន​មុខស្ថាន​ទូត​បារាំង មាន​រៀបចំ​ពិធី​ក្រុង​ពាលី​និង​បញ្ចុះ​បឋម​សិលា​បើក​ការដ្ឋាន​សាងសង់​ឡើងវិញ​នូវ​រូប​សំណាក រូបពីរ ឬ វិមាន​រំលឹក​ដល់​អ្នក​ដែល​ទទួល​អនិច្ចកម្ម​ក្នុង​សង្គ្រាម​លោក​លើកទី​១ ពី​ឆ្នាំ ១៩១៤ ដល់ឆ្នាំ ១៩១៨ ក្រោម​អធិបតីភាព ឯកឧត្តម​ឧបនាយក​រដ្ឋមន្ត្រី ជា សុផារ៉ា រដ្ឋមន្ត្រី​ក្រសួង​រៀបចំ​ដែនដី នគរូប​នីយកម្ម និងសំណង់។ ពិធី​នេះ​ក៏មាន​ការ​អញ្ជើញ​ចូលរួម​ពី​លោក​ជំទាវ​បណ្ឌិត​សភាចារ្យ ភឿង សកុណា រដ្ឋមន្ត្រី​ក្រសួង​វប្បធម៌ និងវិចិត្រសិល្បៈ ឯកឧត្តម Olivier Becht រដ្ឋមន្ត្រី​ប្រតិភូ​អមរដ្ឋមន្ត្រី​អឺរ៉ុប​ និង​កិច្ចការ​បរទេស​ទទួល​បន្ទុក​ពាណិជ្ជកម្ម​ក្រៅ​ប្រទេស ភាព​ទាក់ទាញ និង​ជនជាតិ​បារាំង​នៅក្រៅ​ប្រទេស​នៃ​សាធារណរដ្ឋ​បារាំង ឯកអគ្គរដ្ឋទូត​នៃ​សាធារណរដ្ឋ​បារាំង និង​ឯកឧត្តម​អភិបាល​រាជធានី​ភ្នំពេញ រដ្ឋមន្ត្រី​ក្រសួង​ទេសចរណ៍ រដ្ឋមន្ត្រី​ក្រសួង​ធម្មការ និង​សាសនា​ព្រមទាំង​និស្សិត​ជាច្រើន​កុះករ ផងដែរ។
 
  ក្នុង​ឱកាសនោះ ឯកឧត្តម Olivier Becht បានថ្លែង​អំណរគុណ​យ៉ាង​ជ្រាល​ជ្រៅ​ដល់​សម្តេច​អគ្គមហា​សេនាបតីតេជោ ហ៊ុន សែន នាយករដ្ឋមន្ត្រី​នៃព្រះរាជាណាចក្រ​កម្ពុជា ដែល​បាន​សម្រេច​ចិត្ត​ក្នុង​ការសាងសង់​ឡើងវិញ​នៅទីតាំង​ដដែល គឺ​នៅមុខ​ស្ថានទូត​បារាំង​នូវ​វិមាន​ឧទ្ទិស​ដល់​វិញ្ញាណក្ខន្ធ​យុទ្ធជន​បារាំង​នៅកម្ពុជា​ ដែល​បាន​ពលី ដើម្បី​ប្រទេស​បារាំង​ក្នុង​សង្គ្រាម​លោកលើកទី​១។ វិមាន​នេះ​ត្រូវ​បានខូចខាត​ដោយសារ​ការបំផ្លិច​បំផ្លាញ​របស់​ខ្មែរ​ក្រហម​ក្នុងឆ្នាំ ១៩៧៧។ ឯកឧត្តម​បាន​បង្ហាញ​ពីក្តី​រំភើប​រីករាយ​ចំពោះ​ការ​សម្រេច​ចិត្ត​ដ៏​មានអត្ថន័យ​របស់​សម្ដេចតេជោ ហ៊ុន សែន ក្នុង​ការ​សាង​សង់​វិមាន​នេះ​ឡើង​វិញ ដោយ​សារទីនេះ​ជា​ទីកន្លែង​សម្រាប់​រំលឹក​នូវ​ប្រវត្តិសាស្ត្រ​រួម​ក៏ដូចជា​បញ្ជាក់​សារជាថ្មី​នូវ​គុណតម្លៃ​ដែល​យើង​មានរួមគ្នា។ កាយ​វិការ​នេះឆ្លុះបញ្ចាំង​ឱ្យ​ឃើញ​នូវ​ចំណង​ទាក់ទង​ដែលផ្សារ​ភ្ជាប់​ប្រទេសទាំងពីរ​កម្ពុជាបារាំង ក៏ដូចជាប្រវត្តិសាស្ត្រដែលប្រទេសយើងទាំងពីរមានរួមគ្នាដែលគិតមកដល់ពេលនេះគឺមានរយៈពេល ១៦០ ឆ្នាំហើយ។ ការ​សម្រេច​ចិត្ត​របស់ សម្ដេច​តេជោ​ជាកាយវិការ​ដ៏ឧត្តុង​ឧត្តម​ក្នុងការ​វាយ​តម្លៃ​ខ្ពស់​ចំពោះ​ការលះ​បង់​របស់​យុទ្ធជន​កម្ពុជា និងបារាំង ដែល​បានពលី​ក្នុង​ការ​ប្រយុទ្ធ​តស៊ូ​ ដើម្បី​ការពារ​ប្រទេស​បារាំង។ តាមរយៈ​សេចក្តី​ក្លាហាន​របស់​យុទ្ធជន​កម្ពុជា និង​បារាំង​ធ្វើ​ឱ្យ​យើង​ទទួល​បានជ័យ​ជំនះ​នៅឆ្នាំ១៩១៨។ យុទ្ធជន​កម្ពុជា​ប្រមាណ ២ម៉ឺននាក់ បាន​ចូលរួម​ក្នុង​សង្គ្រាម​ដែល ១០០ ឆ្នាំ ក្រោយមក​យើង​នៅ​បន្ត​ហៅ​ថា​មហា​សង្គ្រាម ឬ សង្គ្រាម​លោក​លើកទី១​។

  ឯកឧត្តម​​ឧបនាយករដ្ឋ​មន្ត្រី ជា សុផារ៉ា រដ្ឋមន្ត្រី​​ក្រសួង​រៀបចំ​ដែនដី នគរូប​នីយកម្ម និងសំណង់ មាន​ប្រសាសន៍ថា អនុវត្ត​​តាម​​អនុសាសន៍​​ដ៏​​ខ្ពង់ខ្ពស់​​របស់​ ​សម្ដេច​អគ្គមហាសេនាបតីតេជោ ហ៊ុន សែន នាយករដ្ឋមន្ត្រី​​នៃ​​ព្រះរាជាណាចក្រ​​កម្ពុជា នាថ្ងៃទី ១០ ខែធ្នូ ឆ្នាំ​២០២២ និង​ដូច​ដែល​បានលើក​ឡើង​នៅក្នុង​ជំនួប​រវាង​សម្ដេចតេជោ និង​ឯកឧត្តម​ប្រធានាធិបតីបារាំង អេម៉ានុយអែល ម៉ាក្រុង នៅ​ក្នុងទី​ក្រុងប៉ារីស កាលពីថ្ងៃទី១៣ ខែធ្នូ ឆ្នាំ២០២២ ទើប​នៅថ្ងៃនេះ​វិមាន​រំលឹក​ដល់អ្នក ដែល​ទទួល​អនិច្ចកម្ម​ក្នុង​សង្គ្រាម​លោក​លើកទី១ ពីឆ្នាំ ១៩១៤ ដល់ឆ្នាំ ១៩១៨ ត្រូវបាន​ធ្វើពិធី​ក្រុង​ពាលី និង​បញ្ចុះ​បឋម​សិលា​បើកការដ្ឋាន​សាងសង់​ឡើងវិញ។ ឯកឧត្តមឧបនាយក​រដ្ឋមន្ត្រី ជា សុផារ៉ា បាន​បញ្ជាក់ថា​ព្រះ​រាជាណាចក្រ​កម្ពុជា​បាន​ឆ្លងកាត់​ដំណាក់កាល​ជា​ប្រវត្តិសាស្ត្រ​ដ៏​សំខាន់​មួយ​គឺ​ដំណើរការ​ផ្លាស់ប្ដូរ​ស៊ី​ជម្រៅ​នៅ​ក្នុងទិដ្ឋភាព​នៃសង្គម។ កម្ពុជា​ដែល​ពីមុនជា​វាល​ពិឃាត​បានក្លាយ​ទៅជាកោះ​សន្តិភាព និង​ជាតំបន់​ទេសចរណ៍ប្រកប​ដោយ​ប្រជាប្រិយភាព។ ក្រោម​មគ្គុទេសក៍ ដ៏​ប៉ិន​ប្រសប់​របស់​សម្ដេចតេជោ​នាយករដ្ឋមន្ត្រី តាមរយៈ​ការដាក់​ចេញនូវ​យុទ្ធសាស្ត្រ​ជាគន្លឹះ និង​នយោបាយ​ឈ្នះឈ្នះ បាន​នាំឱ្យ​កម្ពុជា​ទទួល​បាននូវ​សន្តិភាព​ស្ថិរភាព​នយោបាយ សណ្ដាប់​ធ្នាប់​សង្គម​យ៉ាង​ពេញលេញ​ព្រមទាំង​មានការ​អភិវឌ្ឍ​ទាំង​នៅក្នុង​ទីក្រុង និងទីជនបទ។ឯកឧត្តម​ឧបនាយករដ្ឋមន្ត្រី បានបន្តថា​រាជរដ្ឋាភិបាល​បាន​សម្រេច​សាងសង់​ឡើងវិញ​វិមាន​រំលឹក​ដល់​អ្នកដែល​ទទួល​អនិច្ចកម្ម​ក្នុង​សង្គ្រាម​លោកលើកទី១ ពីឆ្នាំ១៩១៤ ដល់ឆ្នាំ​១៩១៨ ដែលវិមាន​នេះ ត្រូវបានសាងសង់កាលពីឆ្នាំ ១៩២៥ ហើយត្រូវបានរបបកម្ពុជាប្រជាធិបតេយ្យបំផ្លាញចោល។ វិមាននេះត្រូវបានសាងសង់នៅពេលដែលសង្គ្រាមលោកលើកទី១ បានបញ្ចប់ ដោយ​អាជ្ញាធរ​បារាំង​បាន​សម្រេច​កំណត់​យក​ទីតាំង​នៅក្នុងទីធ្លា​មុខ​ស្ថានទូត​បារាំង​ខាងត្បូង​រង្វង់​មូល​គល់​ស្ពាន​ជ្រោយ​ចង្វា រាជធានី​ភ្នំពេញ ដើម្បី​សាងសង់​វិមាន​នេះឡើងវិញ​។ ការ​សម្រេច​សាងសង់​វិមាននេះ គឺ​ដើម្បីរំ​លឹក​ដល់​ជ័យជំនះ​នៅ​ក្នុងសង្គ្រាម​លោក​លើកទី១ របស់​បារាំង​ផង​និង​ដើម្បី​រំលឹក​ដល់​យុទ្ធជន​ស្ម័គ្រចិត្ត​របស់​កម្ពុជា ក្នុង​ការជួយ​បារាំង​ច្បាំង​នៅក្នុង​សង្គ្រាម​លោក​លើកទី១ ផង​និង​ជាការ​ថ្លែង​អំណរគុណ​ដល់​ព្រះរាជាណាចក្រ​កម្ពុជា​ជាពិសេស​ព្រះករុណា​ព្រះបាទ​សម្ដេច​ព្រះស៊ីសុវត្ថិ ដែល​បាន​បញ្ជូន​កង​ជីវពល​ខ្មែរ​ជួយ​បារាំង​ធ្វើ​សង្គ្រាម ដល់ទឹកដី​បារាំង​នៅ​ចន្លោះឆ្នាំ ១៩១៦ ដល់ឆ្នាំ ១៩១៨​ផង។ការ​សាងសង់​វិមាន​នេះ​ឡើងវិញ គឺ​ជាការ​បង្ហាញ​នូវការ​រឹត​ចំណង​មិត្តភាព​មេត្រីភាព​សាមគ្គីភាព និង​កិច្ចសហប្រតិបត្តិការ​យូរ​អង្វែង និង​ជាប្រវត្តិសាស្ត្រ​រវាង​កម្ពុជា​និង​បារាំង​ឱ្យ​កាន់តែ​រឹងមាំ​ថែមទៀត។ វិមាន​ថ្មីនេះ​​ក៏​នឹង​ធ្វើឱ្យ​រាជធានី​ភ្នំពេញ ដែល​ជា​បេះដូង ជាមជ្ឈមណ្ឌល​សន្តិសុខ​​នយោបាយ​​សេដ្ឋកិច្ច​​សង្គមវប្បធម៌​​ទេសចរណ៍ និង​ជាការ​ទូត​នៃ​ព្រះរាជាណាចក្រកម្ពុជា ដែល​​មាន​វ័យ​ចំណាស់​ជិត ៦០០ឆ្នាំ កន្លង​មកហើយ​នោះ​ទទួល​បាន​ត្រឡប់​មកវិញ​នូវផ្នែក​មួយ​នៃ​ប្រវត្តិសាស្ត្រដែលបានបាត់បង់ជិត ៥០ឆ្នាំកន្លងទៅ។ ឯកឧត្តមឧបនាយករដ្ឋមន្ត្រីសង្ឃឹមថាការដ្ឋានសាងសង់វិមាននេះនឹងដំណើរការដោយរលូន មានសុវត្ថិភាពនិងជោគជ័យតាមការគ្រោងទុក៕















សារស្វាគមន៍

ឯកឧត្តម​ ជា​ សុផារ៉ា

ឧបនាយករដ្ឋមន្រ្តី រដ្ឋមន្ត្រី​ក្រសួង​រៀបចំ​ដែនដី នគរូប​នីយកម្ម និង​សំណង់

ឯកសារវីឌីអូរ
ចំនួនអ្នកទស្សនា
ថ្ងៃនេះ :
000777
ម្សិលមិញ :
007345
សរុប :
17111359
ការអភិវឌ្ឍន៍វិស័យសំណង់លំនៅឋាននៅកម្ពុជា
ស្វែងយល់ពីអចលនទ្រព្យនៅកម្ពុជា
sms onay film indir film indirme full program indir