ឯកឧត្តមឧបនាយករដ្ឋមន្រ្តី ជា សុផារ៉ា ដឹកនាំប្រជុំពិភាក្សាលើសំណើរបស់រដ្ឋបាលខេត្តពោធិ៍សាត់សុំកែសម្រួលផ្ទៃដីតំបន់២ នៃតំបន់ទន្លេសាប

January 25, 2023

នៅរសៀលថ្ងៃពុធ ៤កើត ខែមាឃ ឆ្នាំខាល ចត្វាស័ក ព.ស.២៥៦ ត្រូវនឹងថ្ងៃទី ២៥ ខែមករា ឆ្នាំ ២០២៣ នៅសាលាខេត្តពោធិ៍សាត់ ឯកឧត្តម ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ ដោយមានការចូលរួមពី ឯកឧត្តមកិត្តិបណ្ឌិត លឹម គានហោ រដ្ឋមន្រ្តីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន ឯកឧត្តម ហាស់ សារ៉េត តំណាង ឯកឧត្តម ឌិត ទីណា រដ្ឋមន្រ្ដីក្រសួងកសិកម្ម រុក្ខាប្រមាញ់ និងនេសាទ ឯកឧត្តម កែវ រតនៈ រដ្ឋមន្រ្តីមប្រតិភូអមនាយករដ្ឋមន្រ្ដី និងជាអគ្គនាយកអគ្គិសនីកម្ពុជា តំណាងក្រុមការងាររាជរដ្ឋាភិបាលចុះមូលដ្ឋានខេត្តពោធិ៍សាត់ ឯកឧត្តម អួន ម៉េងឈាន់ ប្រតិភូរាជរដ្ឋាភិបាលទទួលបន្ទុកជាអគ្គនាយកអធិការកិច្ច តំណាងក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច ឯកឧត្តមឧត្តមសេនីយ៍ឯក ឡោ សុខឡេង អគ្គស្នងការរងនគរបាលជាតិ តំណាងឯកឧត្តមនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ ថ្នាក់ដឹកនាំនិងមន្រ្តីជំនាញថ្នាក់ជាតិ មន្ទីរពាក់ព័ន្ធជុំវិញខេត្ត និងអាជ្ញាធរដែនដី បានប្រជុំពិភាក្សាលើសំណើរបស់រដ្ឋបាលខេត្តពោធិ៍សាត់សុំកែសម្រួលផ្ទៃដីតំបន់២ នៃតំបន់ទន្លេសាប៕