សេចក្តីសម្រេច ស្តីពីការបង្កើតក្រុមការងារទទួលជួប សម្របសម្រួល និងដោះស្រាយជាមួយក្រុមអ្នកតវ៉ា ឬក្រុមបាតុករពាក់ព័ន្ធនឹងបញ្ហាដីធ្លី

April 08, 2016

នារសៀលថ្ងៃសុក្រ ២កើត ខែចេត្រ ព.ស ២៥៥៩ ត្រូវ នឹង ថ្ងៃ ទី ៨ ខែ មេសា គ.ស ២០១៦ នេះ ផង ដែរ វេលា ម៉ោង ប្រហែល ជា ០៤:៣៥ នាទី បន្ទាប់ បាន បញ្ចប់ ពិធី សូត្រ មន្ត លើក រាសី នៅ ទី ស្តី ការ ក្រសួង រៀប ចំ ដែន ដី នគ រូប នីយ កម្ម និង សំណង់ រួច រាល់ ហើយ ឯកឧត្តមទេសរដ្ឋមន្ត្រី ជា សុផារ៉ា បានបង្កើតសេចក្តីសម្រេចស្តី ពី ការ បង្កើត ក្រុម ការ ងារ ទទួល ជួប សម្រប សម្រួល និងដោះស្រាយជាមួយក្រុមអ្នកតវ៉ា ឬក្រុមបាតុករពាក់ព័ន្ធនឹងបញ្ហាដីធ្លី ក្នុងគោលបំណង់៖ ១. ទទួលជួបក្រុមអ្នកតវ៉ា ឬក្រុមបាតុករ ២. ទទួលញត្តិ និងឯកសារពាក់ព័ន្ធនានាពីក្រុមអ្នកតវ៉ា ឬ ក្រុមបាតុករ ៣. សម្របសម្រួល និងដោះស្រាយជាមួយក្រុមអ្នកតវ៉ា ឬ ក្រុមបាតុករ ៤. ស្នើវិធានការដោះស្រាយ ដើម្បីសុំការសម្រេចពីក្រសួង ៥. ទំនាក់ទំនងជាមួយក្រុមអ្នកតវ៉ា ឬក្រុមបាតុករ ដើម្បីទទួលបានព័ត៌មានបន្ថែម និងជូនដំណឹងអំពីដំណោះស្រាយ ៦. តាមដានការអនុវត្តវិធានការក្នុងការដោះស្រាយរហូតដល់ករណីវិវាទ ត្រូវបានបញ្ចប់ជាស្ថាពរ និង ធ្វើរបាយការណ៍ជូនក្រសួងអំពីវឌ្ឍនភាព នៃដោះស្រាយជាជំហានៗ ៧. ធ្វើរបាយការណ៍លទ្ធផលប្រចាំត្រីមាស ឆមាស និង ប្រចាំឆ្នាំជូនក្រសួង។