ឯកឧ្តម ជា សុផារ៉ា ទេសរដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ជួបសំណេះសំណាលជាមួយបងប្អូនប្រជាពលរដ្ឋនៅភូមិតេជោសែន ឃុំដា ស្រុកមេមត់

May 09, 2016

នៅថ្ងៃទី០៩ ខែឧសភា ឆ្នាំ២០១៦ ឯកឧត្តមទេស រដ្ឋមន្ត្រី ជា សុផារ៉ា រួមនឹងសហការីក៏បានបន្តដំណើរអញ្ជើញទៅជួបសំណេះសំណាលជាមួយប្រជាពលរដ្ឋនៅភូមិតេជោសែន ឃុំដា ស្រុកមេមត់ ផងដែរ ។ ក្នុងពេលជួបសំណេះសំណាលនោះ ឯកឧត្តម ជា សុផារ៉ា បាននាំមកនូវប្រសាសន៍ផ្ដាំផ្ញើរសាកសួរសុខទុក្ខពី សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និង សម្ដេចគតិព្រឹទ្ធបណ្ឌិត ប៊ុនរ៉ានី ហ៊ុន សែន ជូនដល់ប្រជាពលរដ្ឋនៅក្នុងឃុំដា ដែលជានិច្ចកាលសម្ដេចតែងតែបានគិតគូរយកចិត្តទុកដាក់ពីសុខទុក្ខ ក្ដីកង្វល់ បញ្ហាប្រឈម និសំណូមពរនានារបស់ប្រជាពលរដ្ឋ និងរិះរកគ្រប់មធ្យោបាយ ដើម្បីដឹកនាំប្រទេសឈានទៅរក វឌ្ឍនភាព និងកាត់បន្ថយភាពក្រីក្ររបស់ប្រជាពលរដ្ឋ ។ ឯកឧត្តម បានបញ្ជាក់ថា ការជួបជុំគ្នានាពេលនេះ គឺដើម្បីថ្លែងអំណរគុណដល់ប្រជាពលរដ្ឋ ដែលមានជំនឿទុកចិត្តផ្ងើរជោគវាសនា លើប្រមុខដឹកនាំរាជរដ្ឋាភិបាល ដើម្បីឱ្យរាជដ្ឋាភិបាលកម្ពុជាកាន់តែមានលទ្ធភាពរឹងមាំបន្ថែមទៀតក្នុងការអភិវឌ្ឍ ប្រទេសជាតិឱ្យមានការរីកចម្រើន ។ ជាមួយនេះ ឯកឧត្តម ជា សុផារ៉ា ក៏បានជម្រុញណែនាំដល់អាជ្ញាធរ និងក្រុមការងារខិតខំគិតគូរផ្ដល់ប័ណ្ណកម្មសិទ្ធិដីធ្លីជូនប្រជាពលរដ្ឋដែលរស់នៅក្នុងភូមិតេជោសែន ឱ្យបានឆាប់រហ័ស ព្រមទាំងបានជួយស្តារអណ្តូងទឹកជូនដល់ប្រជាពលរដ្ឋដែលកំពុងជួបប្រទះការខ្វះខាតទឹកផងដែរ ។