ឯកឧត្តមទេសរដ្ឋមន្ត្រី ជា សុផារ៉ា បានយកអំណោយ សម្តេចអគ្គមហាសេនាបតីតេជោ ហ៊ុន សែន ចែកជូនប្រជាពលរដ្ឋចំនួន ១១២គ្រួសារ ដែលរងគ្រោះដោយបាតុភូតធម្មជាតិខ្យល់កន្រ្តាក់ ក្នុងស្រុកមេមត់

May 09, 2016

នៅថ្ងៃទី០៩ ខែឧសភា ឆ្នាំ២០១៦ ឯកឧត្តមទេសរដ្ឋមន្រ្តី ជា សុផារ៉ា ក៏បាននាំយកអំណោយ សម្តេចអគ្គមហាសេនាបតីតេជោ ហ៊ុន សែន និងសម្តេចគតិព្រឹទ្ធបណ្ឌិត ប៊ុនរ៉ានី ហ៊ុន សែន មួយចំនួនចែកជូនដល់ប្រជាពលរដ្ឋដែលរងគ្រោះដោយបាតុភូតធម្មជាតិខ្យល់កន្ត្រាក់នាពេលកន្លងមក ក្នុងស្រុកមេមត់ ចំនួន ១១២គ្រួសារ ដែលក្នុងនោះគ្រួសារដែលរងគ្រោះធ្ងន់ធ្ងរចំនួន ៤៧គ្រួសារ ក្នុង ១គ្រួសារ ទទួលបាន ស័ង្កសី ២០សន្លឹក អង្ករ ២៥គីឡូក្រាម និងថវិកា ១០០,០០០រៀល និង ៦៣គ្រួសារ ទៀត ក្នុង ១គ្រួសារ ទទួលបានស័ង្កសី ១០សន្លឹក អង្ករ ២៥គីឡូក្រាម ថវិកា ១០០,០០០រៀល ។ ដោយឡែកគ្រួសារប្រជាពលរដ្ឋ ១គ្រួសារដែលរងគ្រោះដោយបាតុភូតរន្ទះ បានទទួលអង្ករ ២៥គីឡូក្រាម និងថវិកា ១,០០០,០០០រៀលផងដែរ ។ ឯកឧត្តមទេសរដ្ឋមន្រ្តី ជា សុផារ៉ា បានបង្ហាញពីការចូលរួមសោកស្ដាយចំពោះប្រជាពលរដ្ឋដែលបាន រងគ្រោះ ដោយបាតុភូតធម្មជាតិទាំងនេះ នឹងបានបញ្ជាក់ថា អំណោយទាំងនេះ ថ្វីត្បិតតែមានចំនួនតិចតួច មិនអាចបំពេញគ្រប់គ្រាន់តាមតម្រូវការរបស់ប្រជាពលរដ្ឋរងគ្រោះក្ដីតែក៏អាចដោះស្រាយបញ្ហាប្រឈមភាពខ្វះខាតនៅចំពោះមុខបានមួយរយៈផងដែរ ។