សេចក្ដីប្រកាសព័ត៌មាន ស្ដីពីលទ្ធផលនៃការសម្របសម្រួលស្វែងរកដំណោះស្រាយករណីក្រុមហ៊ុនបុរីពិភពនិងអតិថិជនរួមជាមួយភាគីពាក់ព័ន្ធ

ក្រសួងរៀបចំដែនដី នគរូបនីយកម្ម និងសំណង់ សូមជម្រាបជូនសាធារណជនជ្រាបថា បន្ទាប់ពីទទួល បានសំណើសុំអន្តរាគមន៍របស់អតិថិជនដែលបានទិញផ្ទះក្នុង បុរីពិភពថ្មីចំនួន ១៨៤ផ្ទះ រួចមក ក្រសួងបានដឹកនាំសម្របសម្រួលស្វែងរកដំណោះស្រាយជាបន្តបន្ទាប់ ដោយមានការសហការពីក្រុមហ៊ុនបុរីពិភពថ្មី អតិថិជនដែលជាម្ចាស់សំណើ និងពីគ្រប់ភាគីពាក់ព័ន្ធ។

ជាលទ្ធផល អតិថិជនដែលបានស្នើសុំអន្តរាគមន៍ខាងលើ មានអតិថិជនចំនួន ១៦១គ្រួសារ ទិញផ្ទះចំនួន ១៧៣ផ្ទះ បានទទួលយកការដោះស្រាយបញ្ចប់បញ្ហាជាស្ថាពរ។