មត្តេយ្យសាលា ថ្នាលបណ្តុះផ្នត់គំនិត ប្រពៃណីទំនៀមទម្លាប់ខ្មែរនៃការសន្សំរបស់ឪពុកម្តាយ ដើម្បីវិនិយោគលើការសិក្សារបស់កូន បានជំរុញឱ្យក្រុមការងារថ្នាក់ជាតិចុះជួយខេត្តព្រះសីហនុមើលឃើញអំពីសេចក្តីប៉ងប្រាថ្នារបស់ប្រជាជនខ្មែរ និងសារៈសំខាន់នៃការកសាងថ្នាលអប់រំ ដើម្បីការកសាងអនាគតកូន អនាគតគ្រួសារ និងកសាងប្រទេសជាជំហានៗ

យើងបានរៀបចំហេដ្ឋារចនាសម្ព័ន្ធនៅតាមសាលាមត្តេយ្យ សាលារៀននានា ដើម្បីបង្កើតនូវបរិយាកាសល្អ បរិស្ថានស្អាត និងលម្ហសិក្សាមួយដល់កុមារតូច និងសិស្សសាលាទាំងនោះ។ យើងជឿជាក់ថា ការខិតខំប្រឹងប្រែងគិតគូររបស់យើងទាំងអស់គ្នា ដែលមានលោកគ្រូ អ្នកគ្រូ ឪពុកម្តាយ អាណាព្យាបាល និងក្រុមការងាររបស់យើងនេះ នឹងអាចផ្តល់នូវឱកាសសម្រាប់កុមារតូច និងសិស្សនៅតាមសាលារៀននៅខេត្តព្រះសីហនុអាចកសាងដំណើរជីវិតរបស់ខ្លួនលើផ្លូវដ៏ត្រឹមត្រូវ។

យើងក៏មានសង្ឃឹមថា ការលះបង់ទាំងនេះ នឹងផ្តល់មកវិញនូវស្នាមញញឹមប្រកបដោយមោទនភាពរបស់ឪពុកម្តាយចំពោះភាពជោគជ័យរបស់កូនៗគាត់ផងដែរ។