សហគមន៍នេសាទបឹងព្រែកសែន (ទីតាំងទី២) ស្ថិតក្នុងខេត្តក្រចេះ មានទំហំ ៦.៨៤ ហិកតា បានចុះបញ្ជីជាដីសាធារណៈរបស់រដ្ឋ
គួរបញ្ជាក់ផងដែរថា សហគមន៍នេសាទ បឹងព្រែកសែន ត្រូវបានចុះបញ្ជីតាមបច្ចេកទេសសុរិយោដី និងច្បាប់ភូមិបាល ដោយក្រសួងរៀបចំដែនដី នគរូបនីយកម្ម និងសំណង់ និងកាន់កាប់ដោយក្រសួងកសិកម្ម រុក្ខាប្រមាញ់ និងនេសាទ តាមច្បាប់ស្តីពីជលផល ដោយមានការគ្រប់គ្រងពីក្រសួងសេដ្ឋកិច្ច និងហិរញ្ញវត្ថុ ទៅតាមច្បាប់ស្តីពីការគ្រប់គ្រង ការប្រើប្រាស់ និងការចាត់ចែងលើទ្រព្យសម្បត្តិរបស់រដ្ឋ។
