ក្ក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ សូមថ្លែងអំណរគុណយ៉ាងជ្រាលជ្រៅជូនចំពោះលោក Sumitomo Yusuke អ្នកសម្របសម្រួលគម្រោងសាងសង់សាលារៀន តាមរយៈអង្គការ Japan Team of Young Human Power (JHP) និងលោក Roji Fukuda នាយកប្រតិបត្តិក្រុមហ៊ុន Roji International Group Co., Ltd ដែលបានបញ្ជាក់អំពីលទ្ធភាពក្នុងការកៀរគរថវិកាពីសប្បុរសជន និងក្រុមហ៊ុនសាងសង់ជប៉ុន ដើម្បីផ្តល់ការគាំទ្រផ្នែកហិរញ្ញប្បទានក្នុងការសាងសង់អគារសាលារៀនចំនួន ១ខ្នង នៅកោះរ៉ុង ក្រុងកោះរ៉ុង ខេត្តព្រះសីហនុ។
ក្រុមការងាររាជរដ្ឋាភិបាល ចាត់ទុកថា សាលារៀននៅកោះរ៉ុង គឺជាស្ថាប័នចាំបាច់ និងមានសារៈសំខាន់បំផុត ក្នុងការកែប្រែធនធានមនុស្សនៅលើកោះរ៉ុង ទាំងប្រជាពលរដ្ឋដែលរស់នៅទីនោះស្រាប់ និងជនបរទេសដែលមកស្នាក់នៅលើកោះរ៉ុង។ យើងចាត់ទុកថា នេះគឺជាកន្លែងដែលនឹងផ្តល់នូវការអប់រំ យុវជន និងកីឡា ប្រកបដោយគុណភាព។
