កិច្ចប្រជុំផ្សព្វផ្សាយសារាចរស្តីពីការរៀបចំផែនការយុទ្ធសាស្រ្តថវិកា (BSP) ឆ្នាំ២០២៥-២០២៧

លោកជំទាវរដ្ឋលេខាធិការ សេង សុមេត្តា ប្រធានក្រុមការងារផែនការថវិកា និងហិរញ្ញវត្ថុ បានដឹកនាំកិច្ចប្រជុំផ្សព្វផ្សាយសារាចរស្តីពីការរៀបចំផែនការយុទ្ធសាស្រ្តថវិកា (BSP) ឆ្នាំ២០២៥-២០២៧ ដោយផ្តោតលើការធ្វើបច្ចុប្បន្នភាព និងតម្រង់ទិសក្រុមការងារថវិកា និងការផ្សព្វផ្សាយដល់ក្រុមការងារអនុវត្តកម្មវិធីទាំង៥ របស់ក្រសួងរៀបចំដែនដី នគរូបនីយកម្មនិងសំណង់ ចូលរួមរៀបចំសៀវភៅថវិកាពលរដ្ឋក្នុងឆ្នាំ២០២៥។

លោកជំទាវបានលើកទឹកចិត្តឱ្យក្រុមការងាររៀបចំថវិកាកម្មវិធីទាំង៥ ធ្វើការយ៉ាងជិតស្និទ្ធជាមួយក្រុមការងារអង្គភាពទទួលបន្ទុកហិរញ្ញវត្ថុ រៀបចំគ្រោងកញ្ចប់ថវិកាឱ្យបានត្រឹមត្រូវ ដោយមានកំណត់នូវសុចនាករច្បាស់លាស់ ដើម្បីមានមូលដ្ឋានរឹងមាំក្នុងការចចារកញ្ចប់ថវិកាសម្រាប់ឆ្នាំអនុវត្ត ២០២៥ និងជំរុញការអនុវត្តថវិកានៅក្នុងឆ្នាំ ឱ្យមានប្រសិទ្ធភាពតាមផែនការដែលបានអនុម័ត។

២៣ ឧសភា ២០២៤